VIDEO/ Tragjedi në Turqi - aksident masiv në autostradë, raportohen 11 viktima dhe rreth 60 të plagosur, disa janë rëndë

Nga OraNews Përditësimi i fundit 28 Dhjetor 2023, 08:24

11 persona humbën jetën dhe 59 të tjerë u plagosën në një aksident të përgjakshëm automobilistik me 7 automjete të përfshira në provincën Sangari në veriperëndim të Turqisë që i përket departamentit të Marmarasë.

Sipas gazetës Hurriyet, aksidenti fatal ka ndodhur në autostradën e Marmarasë Veriore rreth orës 4:30 të mëngjesit dhe dyshohet se është shkaktuar nga mjegulla e dendur që kishte mbuluar zonën.

Shtatë automjete, duke përfshirë 3 autobusë dhe 1 kamion, u përfshinë në aksident, e cila duket se ka nisur kur një makinë ka përplasur një kamion.

Pas përplasjes së parë, disa pasagjerë kanë zbritur nga makinat e tyre për të parë se çfarë ka ndodhur dhe janë goditur nga automjetet që i kanë ardhur me shpejtësi, siç ka shpjeguar guvernatori i Sangario, Yasar Karadeniz.

Shtatë nga personat e plagosur ndodhen në gjendje të rëndë, ndërsa forca të shumta zjarrfikëse dhe policie ndodhen në vendngjarje dhe po hetojnë rrethanat e aksidentit. Rruga për në Stamboll mbetet e mbyllur deri më tani, sipas mediave lokale.

Për shkak të aksidentit fatal, në këtë zonë është mbyllur qarkullimi.