20 persona kanë humbur jetën nga rrëshqitjet e dheut në Kongo
Nga OraNews Përditësimi i fundit 26 Dhjetor 2023, 07:03
Të paktën 20 njerëz u vranë në një rrëshqitje dheu të shkaktuar nga shirat e dendur në provincën e Kivu-së Jugore, që ndodhet në Republikën Demokratike të Kongos (DRC), njoftuan mediat lokale.
Sipas Promesse Mazambi, një koordinator lokal i shoqërisë civile, vdekjet janë raportuar në fshatin Kalingi, në territorin e Mwenga. Shirat e rrëmbyeshëm kanë shkaktuar edhe dëme të konsiderueshme materiale.
Në maj 2023, në territorin Kalehe të provincës së Kivu-së Jugore, të paktën 438 trupa u gjetën në zonat e goditura nga përmbytjet e shkaktuara nga shirat e dendur. Autoritetet lokale vlerësojnë gjithashtu se më shumë se 5,000 njerëz u zhdukën.
Përmbytjet dhe rrëshqitjet e dheut janë të zakonshme në DRC gjatë sezonit të shirave, i cili zgjat nga shtatori në maj, dhe shpesh kanë ndikime shkatërruese.
