U tha se Celine Dion është në gjendje të rëndë, reagon e revoltuar motra e këngëtares
Nga OraNews Përditësimi i fundit 20 Tetor 2023, 13:47
Kohët e fundit janë përhapur thashethemet për gjendjen shëndetësore të Céline Dion, sipas të cilave artistja është në karrige me rrota ose po lufton me kancerin.
Ka qenë motra e saj Claudette ajo që ka mohuar thashethemet me deklaratat e saj dhe ka folur për shqetësimin dhe trishtimin e saj nga mënyra se si po trajtohen fjalët e saj nga mediat.
Që kur Céline Dion njoftoi se vuante nga një sindromë e veçantë dhe u tërhoq nga sytë e publikut, ajo është bërë objekt i shumë thashethemeve.
Duke qenë se diva e muzikës 55-vjeçare mban një profil të ulët, veçanërisht në rrjetet sociale, po shkakton shqetësim tek fansat e saj duke çuar në dezinformata për gjendjen e saj të vërtetë shëndetësore.
Motra e saj e madhe Claudette tha : "Pse thonë se është në karrige me rrota? Pse thonë se ajo kishte kancer? Pse nuk po i largoni të gjitha këto nga mendja juaj? Nuk është kështu."
Duke pretenduar se motra e saj e vogël është "mendërisht e fortë" pavarësisht rrethanave, Claudette shtoi se: "Ajo nuk është aspak në depresion, përkundrazi, është shumë e lumtur që është gjallë."
