“Ringjallet” Mark Linkous, fjalë dashurie dhe bukurie nga përtej varrit
Nga OraNews Përditësimi i fundit 3 Shtator 2023, 11:48
Kantautori i mirënjohur Mark Linkous ka lënë pas një album të pestë të papërfunduar. Vëllai i tij Matt dhe kunata Melissa zbulojnë se si i bashkuan këngët e tij për të përfunduar albumin.
Hera e fundit që Mark Linkous vizitoi shtëpinë e vëllait të tij Matt dhe kunatës Melissa në Richmond, Virxhinia, ishte gjatë vjeshtës së vitit 2008.
Kantautori amerikan, i cili regjistroi dhe interpretoi Sparklehorse , kishte filluar të punonte për albumin e tij të 5-të përpara se të ndahej nga jeta.
Pesëmbëdhjetë vjet më vonë, duke folur nga shtëpia e tyre, Matt dhe Melissa kanë mundur ta plotësojnë atë duke mbledhur si copat e një pazëlli ato që ai la pas.
Ende nuk ka një datë për publikimin e tij.
Muzika e re nga Linkous është pritur gjithmonë nga fansat si një dhuratë e veçantë.
Katër albumet dhe dy projektet bashkëpunuese që ai lëshoi si Sparklehorse, duke filluar me debutimin e tij të vitit 1995 dhe duke vazhduar deri në fund të viteve '90 dhe 00, përmbajnë disa nga muzikat më të bukura dhe të pazakonta të asaj periudhe.
Kantautori ndërroi jetë në Knoxville, Tenesi më 6 mars 2010 pas një akti vetëvrasës.
