Çeki, mijëra familje pa energji për shkak të stuhisë së madhe të borës
Nga OraNews Përditësimi i fundit 4 Shkurt 2023, 22:24
Erërat e forta dhe stuhitë në Republikën Çeke lanë mijëra familje pa energji sot dhe mbyllën autostradën kryesore që lidh vendin me Sllovakinë fqinje.
Në rajonin Zilina të Sllovakisë, autoritetet u kërkuan banorëve të qëndrojnë në shtëpi dhe të shmangin udhëtimet jo thelbësore, veçanërisht në veri.
Erërat fryjnë me shpejtësi 120 kilometra në orë në malet Tatra.
Një pjesë e autostradës D1 pranë maleve Tatra është mbyllur për disa orë pasi rreth 30 makina janë përfshirë në një aksident trafiku për shkak të stuhisë së madhe të borës, raportojnë mediat lokale.
Në Republikën Çeke, 15,000 familje janë ende pa energji (nga rreth 90,000 në mëngjes) pasi erërat rrëzuan pemë dhe linja elektrike.
Agjencia e lajmeve CTK gjithashtu raportoi se dhjetëra linja treni janë anuluar.
