Bloomberg: Turqia po përgatitet të miratojë pranimin e Finlandës në NATO deri në mars
Nga OraNews Përditësimi i fundit 3 Shkurt 2023, 15:50
Bloomberg: Turqia po përgatitet të miratojë pranimin e Finlandës në NATO deri në mars
Turqia po i afrohet një vendimi për të miratuar anëtarësimin e Finlandës në NATO së paku deri në muajin e ardhshëm, sipas Bloomberg.
Burime të njohura me këtë çështje i thanë agjencisë se presidenti turk Rexhep Tajip Erdogan po përgatitet të arrijë në përfundimin se hapat që ka ndërmarrë Helsinki për të adresuar shqetësimet e sigurisë janë të mjaftueshme që parlamentarët turq të ratifikojnë anëtarësimin në NATO.
Njoftimi përkatës, në fakt, mund të bëhet përpara se parlamenti i Turqisë të shtyhet në mes të marsit, përpara zgjedhjeve të planifikuara për në maj.
"Ne kemi adresuar shqetësimet e ngritura nga Turqia, " tha të enjten kryeministrja finlandeze Sanna Marin .
“I takon dy vendeve, Turqisë dhe Hungarisë, të japin dritën jeshile. Ne presim që ata të vërtetojnë aplikacionet tona sa më shpejt të jetë e mundur." – shtoi ajo.
Njëkohësisht, kryeministrja finlandeze sqaroi se, pas takimit që pati me homologun e saj suedez, Ulf Kristerson, vazhdon të mbështesë integrimin e përbashkët të vendit të saj me Suedinë.
"Është e rëndësishme të dërgojmë një mesazh të qartë - Finlanda dhe Suedia aplikuan së bashku, është në të gjithë interesat tona të bashkohemi së bashku, " tha Marin.
