Nën-Shkodra e izoluar nga uji, Bashkia përsërit kërkesën për shpalljen e emergjencës, në Kurbin era dëmton shtëpitë
Nënshkodra vijon të jetë e përmbytur, 2785 hektarë sipërfaqe ndodhen ende nën ujë, qindra prej tyre që nga data 8 janar.
Fshati Obot, Dajç dhe Mushan janë tërësisht të bllokuar për shkak të prezencës së ujit, që shkon më shumë se një metër.
500 ton lëndë ushqimore për bagëtitë dhe shpallja e gjendës së fatkeqësisë natyrore lokale, është kërkesa e bashkisë për familjet që kanë mbetur të bllokuara.
Ndryshe ka qenë situata në Kurbin, ku shiu dhe erërat e forta kanë shkulur pemë në fshatrat Shpredhet dhe Bushnesh.
Disa shtëpi janë dëmtuar, ndërsa banorët rrëfejnë frikën e madhe që kanë përjetuar.
"Me tjegulla, me të gjitha i ka prishur. Unë bashkë me fëmijët aktualisht jam jashtë."
Në pogradec Reshjet e së premtes mbrëma kanë shkaktuar probleme me energjinë elektrike në disa fshatra.
Në Aksin rrugor Maliq-Moglicë ka pasur rrëshqitje të mëdha dherash, që kanë shkaktuar probleme në qarkullim.
Edhe Në Gramsh ka pasur reshje të pazakonta breshëri.
Pavarësisht situatës së zymtë, dëbora dhe i ftohti kanë sjellë një atmosferë ndryshe në Dardhë.
Edhe pse rruga është e vështirë nga dëbora dhe akulli, qindra turistë kanë shkuar këtë të shtunë për të shijuar bukuritë që të ofron zona.