Prokurori i Antimafis së Catanzaros, Nicola Gratteri,  ka folur për hetimin e çështjes në të cilën u zbardhën bisedat e përgjuara për lejet e ndërtimit dhe koncesionet në Shqipëri. Pas arrestimit të 50 personave, mes të cilëve 7 shqiptarë, ai ka thënë se letrat janë në rregull ndërsa ka shprehur besim tek shqyrtimi i çështjes në gjykatë. Sa i përket luftës ndaj mafias, Gratteri është shprehur kritik me sistemin e drejtësisë në Europë, duke shtuar se duhet reagim konkret ndaj grupeve mafioze në kontinent.

Prokurori i Antimafias së Catanzaros, Nicola Gratteri, ka folur për hetimet e operacionit të fundit të kodaur “Basso Profilo” i cili çoi në arrestimin e 50 personave të akuzuar për lidhjen me mafian kalabreze Ndrangheta.

Mes të arrestuarve ishin edhe 7 shqiptarë ndërsa në kuadër të këtij hetimi u përgjuan biseda të zhvilluara nga viti 2017 e në vazhdim ku flitej për dhënie ryshfeti për lejet e ndërtimit në Tiranë dhe koncesionet në shëndetësi.

“Përgjithësisht ne jemi në rrregull me dokumentacionin tonë. Gjithçka që kemi bërë e kemi kryer me kodin e punës në duar. Kam besim të madh tek gjykatësit e kam raport të qetë me të gjithë gjykatësit. Mbi të gjitha me kryetarin e Gjykatës së Apelit, një njeri i madh që i ka qëndruar mjaft pranë viteve të fundit Prokurorisë së Katanzaros”.

Gjatë fjalës në Komsionin Antimafia në Parlamentin italian, kreu i organit të akuzës u shpreh se është e domosdoshme që të ketë një qasje më kurajoze ndaj grupeve mafioze.

“Ndaj kontrastit mafioz në Europë duhet më shumë kurajo. Gjatë viteve të fundit kemi prekur qëndrat e fuqive mafioze, që dikur as në subkoshiencë nuk mendonim të prekeshin. Njerëzit e vlerësojnë këtë, por gjëja që kam vënë re është se ka një klasë të mesme sociale që mund të kuptojë që në letër, atë çka po bëjmë, e përkundrazi tregojnë solidaritet ndaj personave që për ne kanë kryer krime. Kjo gjë më preokupon e trishton. Në planin teknik të hetimeve e të strategjisë kam ide shumë të qarta. Shkallë që ngremë nivelin shohim njerëz që na mbështesin pavarësisht personave që po hetojmë e pa lexuar dhe dokumentacionin tonë. Prandaj kemi nevojë për gazetarë që përcjellin një rrëfim ekzakt të fakteve e që t’i shkojnë atyre deri në fund.”

Gratteri ka folur me nota kritike për organizata si Europol, Interpol, apo Eurojust, për të cilat thotë se nuk janë ato që i duhen Europës.

“Nëse në Europë nuk ka një sistem gjyqësor homolog, unë nuk mund të bëj shumë. Ka organizma, si Europol, Interpol. Eurojust që më shumë janë sigla. Nuk janë këto agjencitë që ne duam. Më duhet një sistem i tillë që  Guardia di Finanza e Katanzaros të bëj hetime të qeta për shembull në Frankfurt. E ideja e një Prokurorie Europiane është mjaft e bukur. Europa duhet të ketë më shumë kurajo.”