Milan kërkon mbrojtësin e Kombëtares shqiptare
Në zhurmën e merkatos ka përfunduar edhe mbrojtësi i Kombëtares shqiptare, Berat Gjimshiti.
Performancat e mirë me Atalantën e kanë kthyer qendërmbrojtësin në një yll në “Bergamo”, çka ka ngjallur edhe interes te skuadrat e tjera.
Milan duket se është më e interesuar për të siguruar shërbimet e 27-vjeçarit të lindur në Zyrih.
Ende nuk ka një ofertë zyrtare për të, me drejtuesit kuqezi që kanë në dispozicion edhe 5 ditë për të arritur akordin me Atalantën për transferimin në Milano të Gjimshitit.
Në garë për shërbimet e tij është edhe Ajax.