E ndërsa hapja e listave po pritet të zyrtarizohet  me votë në Kuvend, përpjekja ka nisur një vit më parë me peticionin e Nismës Thurje.

Gazetarja dhe moderatorja e emisionit “Tempora” në Rtv Ora, Sonila Meço tha se e ka firmosur dhe vetë atë peticion.

Ajo nënvizon se opozita në vend që të paragjykojë firmëtarët e peticionit për hapjen e listave duhet të vërë para përgjegjësisë Ramën që të vërtetojë personalisht që ai i do gjërat e hapura.

Meço: E kam firmosur unë peticionin për hapjen e listave para një viti. Unë do të pranoja një gjë në rast se edhe opozita do ti kthehej zoti Rama dhe do ti thoshte: Dakord që jeni për listat e hapura, por në radhë të parë më jepni një shenjë që ju jeni njeriu që doni gjërat e hapura. Tenderat në këtë vend, garat,  nuk bëhen kurrë të hapura,  bëhen të paracaktuara. Asgjë nuk bëhet e hapur, nga Rama nuk kemi parë një akt të vetëm të garës së hapur. Nuk kanë pse paragjykohen ata që kanë firmosur për listat e hapura. Nga opozita do të prisja të thoshte: Zoti Rama më jep një akt në këto 7 vjet ku ti ke ndërmarrë një veprim që ka në thelb garën.