Maqedoni e Veriut – Kosovë është ndeshja më interesante e mbrëmjes së sotme.

Dy fqinjtë ballkanikë do të përballen në ora 20:45, në stadiumin “Todor Proeski”, në ndeshjen e vlefshme për Play-Offin e Euro 2020.

Katër kombëtaret e fundit pjesëmarrëse të EURO 2020 që për shkak të pandemisë së koronavirusit të ri (COVID-19) u shty dhe u vendos të fillojë më 11 qershor 2021 do të përcaktohen pas ndeshjeve të “play-off”-it.

Në “play-off”-in që do të zhvillohet me nga një ndeshje eliminuese do të përballen 16 kombëtare. Tetë përfaqësuese që do të kualifikohen në gjysmë finale. Më 12 nëntor do të luajnë finalet në “play-off” ndërsa 4 ekipet fituese do të fitojnë të drejtën e pjesëmarrjes në EURO 2020.

Programi i ndeshjeve të tjera që luhen sot:

18:00 Gjeorgji – Bjellorusi

20:45 Maqedoni e Veriut – Kosovë

20:45 Norvegji – Serbi

20:45 Skoci – Izrael

20:45 Sllovaki – Republika e Irlandës

20:45 Bosnjë e Hercegovinë – Irlanda e Veriut

20:45 Bullgari – Hungari

20:45 Islandë – Rumani