Luftoi 20 ditë me koronavirusin, 24 orë pasi del nga spitali, infermierja ndërron jetë

Një infermiere nga Argjentina ka humbur jetën si pasojë e koronavirusit. Ajo po luftonte me jetën në spitalin ku punonte përreth 20 ditë në Buenos Aires.

7 ditë ajo qëndroi e lidhur me një aspirator për shkak të vështirësive në frymëmarrje. Pas 20 ditësh ajo u përmirësua dhe testi i saj i fundit doli negativ.  24 orë pasi doli nga spitali, infermierja 43-vjeçare humbi jetën. Simptomat iu rikthyen sërish dhe kishte vështirësi në frymëmarrje. Ajo u dërgua sërish në spital me një ambulancë, por ndërroi jetë si pasojë e një sulmi në zemër.