I ftuar në Arena nga Dritan Hila në RTv Ora, doktor Vasil Llajo u shpreh se është vënë re se anti-trupat te një pacient që ka kaluar covidin ka shkuar edhe deri pas 7 muajsh.

Vasil Llajo: Anti trupat janë të larta edhe pas 7 muaj pasi pacienti është preku me Covid-19. Kjo tregon se vaksina ndoshta do të jetë më shpresëdhënëse dhe do t’i bëjë bllok virusit. Së bashku me imunitetin e krijuar në popullatë, pandemia do të zbehet.

Ne jemi shumë larg imunizimit 50% të popullsisë. Maska nga ana tjetër është e domosdoshme dhe duhet respektuar. Në Greqi pothuajse e mbajnë të gjithë dhe për shkak se ka shumë persona në qytet. Kjo shton rrezikun për të shpërndarë virusin.