Në më shumë se 3 orë diskutime, PD dhe PS, e-mailet e shkëmbyera një ditë më parë, i kanë lexuar me zë në mbledhjen e Këshillit Politik të mesditës së sotme.

Por as kjo nuk ka mjaftuar për të ndryshuar qëndrimet. PS nuk i ka dhënë garanci opozitës së bashkuar se ajo do të mbajë fjalën pas ndryshimeve kushtetuese për lista të hapura 100% me koalicione parazgjedhore siç janë aktualisht.

Bylykbashi: Ne propozuam që të hiqet dorë nga ndryshimet e njëanshme kushtetuese, të hartohet një amendament i përbashkët i listave pa prekur kushtetutën me ekspertizë ndërkombëtare, dhe për të garantuar që procesi do të mbetet i paprekur nga lojërat diabolike nga Edi Rama, ndryshimet kushtetuese dhe ato ligjore në kodin zgjedhor të jenë bashkë dhe t’i dërgohet parlamentit në mënyrë që të jetë çdo gjë e qartë.

Vasili: Ndryshimet e njëanshme kushtetuese produkt i PS-së

Petrit Vasili u shpreh për gazetarët: Ndryshimet e njëanshme janë produkt vetëm i PS-se e disa indiviëve në Kuvend.

PD e LSI kërkon tërheqjen e ndryshimeve Kushtetuese

Demokratët me aleatët kërkojnë tërheqjen e ndryshimeve kushtetuese nga parlamenti duke propozuar një mekanizëm për hapjen e listave pa ndërhyrje në Kushtetutë.

Ne propozuam që të hiqet dorë nga ndryshimet e njëanshme kushtetuese, të hartohet një amendament i përbashkët i listave pa prekur kushtetutën me ekspertizë ndërkombëtare, dhe për të garantuar që procesi do të mbetet i paprekur nga lojërat diabolike nga Edi Rama, ndryshimet kushtetuese dhe ato ligjore në kodin zgjedhor të jenë bashkë dhe t’i dërgohet parlamentit në mënyrë që të jetë çdo gjë e qartë.”

Gjiknuri: 30 korriku vijon, koalicionet i rregullojmë me Kod Zgjedhor

Por në tryezë kjo është kundërshtuar nga socialisti Damian Gjiknuri. Socialistët mendojnë që çështja e koalicioneve dhe se sa do të hapen listat nuk preken nga votimi i 30 korrikut, këto do të vendosen në Këshillin Politik.

Damian Gjiknuri: Të vijnë me model, por jo me lista dëshirash. Opozita jashtëparlamentare ndodhet në të njëjta qëndrime bllokuese për të bllokuar kushtetutën me çdo kusht, të bazuar në 2-3 kërkesa me natyrë politike. U pa fare qartë se mendimet kushtetues, ata nuk japin asnjë argument përtej kushtit të panegociushëm që koalicionet duhet të jenë ashtu sikurse janë. U konstatua se ndryshimet kushtetuese nuk ndikojnë te koalicionet dhe as te listat e hapura. Të zgjedhin një model sesi paraqiten listat e kandidatëve në koalicione zgjedhore të vendeve që kanë sistem proporcional rajonal në të gjithë hapërisën e OSBE/ ODIHR. 

Socialistët mendojnë që çështja e koalicioneve dhe sesa do të hapen listat nuk preken nga votimi i 30 korrikut.

Damian Gjiknuri: Opozita jashtëparlamentare ndodhet në të njëjta qëndrime bllokuese për të bllokuar kushtetutën me çdo kusht, të bazuar në 2-3 kërkesa me natyrë politike. U pa fare qartë se mendimet kushtetues, ata nuk japin asnjë argument përtej kushtit të panegociushëm që koalicionet duhet të jenë ashtu sikurse janë. U konstatua se ndryshimet kushtetuese nuk ndikojnë te koalicionet dhe as te listat e hapura.

Hajdari: Ndryshimet kushtetuese do sjellin lista 100% të hapura

E vetmja e kënaqur nga ky takim doli Rudina Hajdari, e cila sipas saj kishte marë garancitë e nevojshme nga kjo mbledhje.

Rudina Hajdari: Në këtë mbledhje morëm garancinë që e para, mazhoranca duhet të kuptojë, në ndryshimet e Kodit Zgjedhor ne duhet të shkojmë me garancinë e plotë që listat të jenë të hapura 100%, dhe kjo garanci u dha sot. Më tej, pas ndryshimeve kushtetuese më datë 30 korrik, jam e hapur që të bashkëpunoj me Partinë Demokratike dhe me çdokënd për të amenduar kodin zgjedhor që garanton hapjen 100% të listave dhe zgjedhje të ndershme.

Rama nuk heq dore nga 30 korriku

Më i ashpër ka qënë kryeministri Rama ndaj opozitës së bashkuar në një reagim në Twitter.

Kreu i mazhorancës i kujton PD dhe LSI, se nuk do të kenë konsensusin e PS për të zvarritur 30 korrikun, dhe nësë nuk duan të hynë në sistem atëherë mund të veprojnë siç bënë me djegien e mandateve për t’u larguara nga Parlamenti.

Lexoni edhe: Opozita e bashkuar takim me ambasadorët e SHBA dhe BE-së: Rama po minon dialogun