"Maskat nuk kanë pasur efektin e pritshëm", Bino: Nuk dimë sa do të zgjasë pandemia

"Maskat nuk kanë pasur efektin e pritshëm", Bino: Nuk

Shefja e Epidemiologjisë në Institutin e Shëndetit Publik, Silva Bino tregoi për RTV Ora se masat e marra për mbajtjen e maskave nuk ka qenë shumë efektive.

Sipas Binos, respektimi i masave është një vendim individual i qytetarëve dhe se nuk është mbajtur siç duhet, ndërkohë që ka shtuar se është e paqartë se sa do të zgjasë kjo situatë pandemike.

Si do të jetë Covidi në dimër? A kemi arritur imunitetin e tufës?

Bino: Shqipëria nuk ka arritur imunitetin e tufës, ndaj jemi në këtë gjendje. Nuk është e qartë se sa zgjat Covidi. Asnjë sëmundje infektive nuk është zhdukur nga imuniteti i tufës. Shmangia e sëmundjeve infektive bëhet nëpërmjet metodave të kontrollit, pra metoda si vaksinimi. Në këtë rast duhet të respektohen masat si distanca sociale apo mbajtja e maskave.

A po japin efekt masat e marra?

Bino: Maskat nuk kanë pasur efektin e pritshëm, se nuk janë mbajtur siç duhet. Mbajtja e tyre në gushë të mbron nga gjoba por jo nga covidi. Maska mbron të infektuarin dhe të tjerët. Është një përgjegjshmëri individuale.

Intervista me gazetaren Besmira Pelushaj, përgatiti për online Tea Islamaj.

Vendi Lajme Lajmi i fundit ishp Aktualitet silva bino ligji i maskave

EMISIONET