VIDEO/ U kap në momente intime me Santianën, Buçi shpërthen në lot teksa përballet me të fejuarën e tij

Një nga dinamikat më të bujshme të spektaklit televiziv "BBVK2", deri më tani ka qenë marrëdhënia e Bucit me Santianën.

Në shtëpi, mbrëmjen e së premtes, ka hyrë e fejuara e Buçit, Verona, e cila fillimisht e surprizoi me një letër, ku tha: "Mos e harro veten kush je, mos harro për çfarë arsye ke hyrë, mos e harro që po të shohim."

Më pas ajo u shfaq para banorëve, teksa Buçi, ende i prekur nga letra e saj, mbante kokën ulur duke qarë dhe më pas u çua dhe e përqafoi.

Teksa ishin në privatësinë e njëri-tjetrit, Verona ndër të tjera i tha: "Unë e di që këtu është lojë, unë vetëm po shpresoj që ti nuk e ke harruar qëllimin kryesor që ke hyrë në “Big Brother”, dhe arsyen që je këtu. Unë e di që ti lidhjen tonë nuk e lë, jo për 200 mijë euro por as për 2 milionë, megjithatë duhet të dish që ne po të shohim, ti e di cfarë sakrificiash kemi bërë ne për të qenë bashkë."