Tetë këshilla si të dukemi natyrale dhe të bukura pa bërë grim të rënduar
Ka ditë ku duam të eksperimentojmë me grimin duke vendosur ngjyra të theksuara në fytyrë. Sidoqoftë, është e pamundur të dalim çdo ditë me grim ekstravagant.Nëse dëshironi të theksoni tiparet tuaja por dhe të dukeni natyrale, atëherë jeni duke lexuar artikullin e duhur.
Mjafton të ndiqni më poshtë këshillat e revistës prestigjoze,Vogue.
Parapërgatitja
Gjithçka fillon nga baza e duhur për të përhapur kremin pudër dhe të gjitha produktet në mënyrë të balancuar. Filloni grimin duke aplikuar bazën (primerin), i cili përgatit lëkurën për të aplikuar më pas fondotinën dhe produktet tjera.
Korrektoni pjesët e duhura të fytyrës
Shumë herë mjafton të përdorni thjesht një korrektor për të mbuluar rrathët e zinj, shenjat ose për të ndriçuar fytyrën. Produktet e lëngshme gjithmonë ofrojnë rezultat më natyral sesa kompaktet me pluhur, prandaj zgjidhni produkte të lëngshme.
-
Universi ka një mesazh për ju! Tri shenjat më me fat në dashuri
22 Prill, 10:50
Theksoni sytë
Për të krijuar grim natyral, shmangni lapsin e zi të syve apo penelin e zi. Vendosni ngjyrat e tokës, si për shembull përdorni laps sysh ngjyrë kafe dhe tone të tokës (nudo).
Shmangni shtresën e dytë të maskarës
Shmangni shtresën e dytë të maskarës për një rezultat sa më natyral për qerpikët tuaj dhe preferoni maskara për gjatësi dhe jo për volum.
Themi po shkëlqimit
Shkëlqimi natyral e bën fytyrën të duket më rinore dhe të freskët, për sa kohë që këto produkte të aplikohen në vendet e duhura. Provoni të vendosni pak shkëlqyes (highlighter) ose vazelinë në pjesën e sipërme të mollëzave me gishtërinjtë tuaj.
Buzë të bukura dhe shkëlqyese
Për të arritur efektin me shkëlqim në buzët tuaja, zgjidhni një buzëkuq me strukturë kremoze dhe jo mat dhe sa më afër ngjyrës natyrale të buzëve tuaja.
Mos e konturoni fytyrën
Provoni teknik tjetër për prerjet në fytyrës. Përzieni produktin tuaj të konturimit me fondotinën për një efekt natyral.
Hidratojini buzët me labelo
Një labelo buzësh me ngjyrë mund të zëvendësojë lehtësisht buzëkuqin tuaj në ditët kur dëshironi rezultate natyrale. Gjithashtu mund ta aplikoni edhe në faqe si hijëzues (blush), për efekt sa më rrezatues.