Smith shpërthen në lot/ Zbulon pyetjen tronditëse që i bëri nipi rreth goditjes me grusht të Rock në Oscars
Will Smith, qau këtë javë ndërsa tregoi sesi nipi i tij e pyeti: "Pse e godite atë njeri, xhaxha Will?"
Aktori i Hollivudit dha një intervistë rrëqethëse të hënën mbrëma teksa foli për sulmin në skenë dhe goditjen e prezantuesit Chris Rock .
Smith, 54 vjeç, fajësoi "tërbimin e madh" për "vendimin e tij të tmerrshëm" pasi komediani Rock, 57 vjeç, bëri një shaka për kokën e rruar të gruas së tij, Jada , 51 vjeç, e cila vuan nga gjendja e rënies së flokëve, alopecia .
Smith pranoi se emocioni i incidentit tronditës në ceremoninë e marsit e goditi atë vetëm kur u përball me nipin e tij të vogël.
Ai shpjegoi: “Nipi im Dom është nëntë vjeç dhe është djali i vogël më i ëmbël. Ne erdhëm në shtëpi dhe ai kishte ndenjur deri vonë për të parë xhaxhain e tij Will, dhe ne jemi ulur në kuzhinën time, dhe ai është në prehrin tim dhe po mbante Oscarin, dhe më pyeti "pse e goditi atë njeri, xhaxha?”
Smith u përlot dhe fshiu sytë me një shami gjatë paraqitjes në The Daily Show me Trevor Noah.
Në autobiografinë e tij të titulluar Will, të publikuar vitin e kaluar, Smith rrëfeu përvojat e tij duke u rritur në një familje abuzive ku pa babain e tij duke sulmuar nënën e tij – gjë që ai beson se ishte një faktor në shuplakën shokuese.
I pyetur se çfarë e shkaktoi të sulmonte, ai vazhdoi: “Ishin shumë gjëra.
“Ishte djali i vogël ai që pa babain e tij duke rrahur nënën e tij, e dini? E gjithë kjo sapo u ndez në atë moment.”
Filmi i ri i Smith Emancipation do të dalë në Apple TV+ më 9 dhjetor, duke e bërë atë të pranueshëm për Oscars, që do të zhvillohet më 12 mars. Ai luan një skllav të fshikulluar që arratiset nga një plantacion.
Smith është i ndaluar të marrë pjesë në Oscar për dekadën e ardhshme dhe gjithashtu ka dhënë dorëheqjen nga Akademia, e cila organizon ceremoninë.