Deklarata tronditëse e babait të Meghan Markle: Vajza nuk më lë të shikoj nipin, i jam lutur për ...

Thomas Markle, babai i anëtares së familjes mbretërore britaneze, Meghan Markle, është shfaqur në një intervistë, në të cilën ka shprehur dëshirën e madhe për të parë nipin e tij për herë të parë.

79- vjeçari foli gjithashtu edhe për vajzën e tij dhe Princin Harry. Thomas Markle i është lutur Meghan që ta lejojë të shohë nipërit e mbesat e tij, duke shtuar se ai nuk e ka parë atë për pesë vjet që kur ishte i shtruar në spital.

“Unë jam i lënduar. Jam shumë i mërzitur. Kjo është një gjë mizore për t’i bërë gjyshit, t’u mohosh atyre të drejtën për të parë një nip.

Në Kaliforni mund të padisë për t’i parë, por nuk dua ta bëj këtë. Tjetra është se nuk kam bërë asgjë të keqe. Nuk ka asgjë që thotë se jam keq.

Unë jam një baba me të vërtetë i dashur dhe ai e di këtë, dhe nuk ka asnjë justifikim që të më trajtojë mua ashtu, nuk ka justifikim që të trajtojë gjyshërit ashtu.” - u shpreh Thomasi gjatë intervistës.

Duke folur se si ka qenë Meghan si adoleshente, Thomas Markle tha:

“Meghan jetoi me mua nga klasa e gjashtë deri në shkollën e mesme dhe nuk kam parë kurrë diçka të tillë. Unë kurrë nuk e pashë llojin e gruas në të cilën ajo u shndërrua, jam i tronditur. Ajo nuk është personi që e njihja si vajzën time.”

Kur u pyet nëse mendon se është faji i Harrit, Thomas Markle tha: “Unë mendoj se më shumë ndikon Harry-n se sa ajo. Unë jam gjithmonë këtu për të, ende e dua, gjithmonë do ta dua. Kjo nuk do të ndryshojë kurrë, por unë dua që ai të më afrohet dhe të më lërë të shoh nipërit e mi dhe të më lërë të qetësohem. Njerëzit shkojnë në burg për pesë vjet dhe falen, unë nuk bëra asgjë. Kështu që unë mendoj se ai mund të më falte. ”

Babai i Meghan e krahasoi veten me Mbretin Karli III, duke thënë se të dyve u është hequr kontakti me nipërit e mbesat e tyre. “Dhe Mbreti Karli III nuk ka bërë asgjë të keqe dhe është i privuar nga fëmijët ashtu si unë,” tha ai.