Partia Demokratike ka postuar një video në rrjetet sociale ku tallet me sjelljen e fundit të kryeministrit Edi Rama.

Sipas selisë blu, Rama në karantinë mendore u bë gazi i botës sot, kur thoshte sot nga Vlora se Shqipëria nuk ka asgjë mangut nga Turqia, Gjermania, Franca, Anglia dhe Italia.

“Ky burri ka kohë që ka hyrë në një karantinë mendore.

Sikur të dilte pak fare nga bota e tij virtuale dhe ta shihte Shqipërinë me sytë e të varfërve, mjekëve, mësuesve, prindërve, nuk do të bëhej gazi i botës.

Mos u habisni prej marrëzive që nxjerr nga goja! Do të dëgjoni pa fund nga këto deri më 25 Prill”.