Deputetët "djegin" mandatet në Gjeorgji, zgjedhjet u manipuluan

Deputetët "djegin" mandatet në Gjeorgji, zgjedhjet u

Opozita gjeorgjiane ka bojkotuar seancën e konstituimit të parlamentit, dhe ka hequr pjesërisht dorë nga mandatet e fituara në zgjedhjet e fundit.

Më 31 tetor, partia për "Ëndrrën Gjeorgjiane" e Giorgi Gakarias mori 90 nga 150 deputetët e Kuvendit, por opozita në tërësi e ka akuzuar qeverinë se i manipuloi rezultatet.

Me përfundimin e procesit elektoral, vendi është përfshirë nga protesta masive me kërkesën për përsëritjen e zgjedhjeve.

Në seancën parlamentare të së premtes, morën pjesë vetëm deputetët e partive qeveritare.

"Refuzojmë të legalizojmë zgjedhjet e vjedhura nga Bidzina Ivanishvili. Ky nuk është vetëm një parlament njëpartiak, një parlamenti i një njeriu," deklaroi kryetarja e partisë kryesore opozitare pas takimit me kolegët e pakicës që vendosën dorëzimi e mandateve.

Presidentja e Gjeorgjisë, Salome Zurabishvili, shprehu keqardhje për bojkotin e opozitës.

Salome Zurabishvili : Durimit të popullit po i vjen fundi. Kemi gati 30 vite që nga pavarësimi prej perandorisë sovjetike, që ndërtojmë një shtet. 30 vite janë mosha e pjekurisë, për personin por edhe shtetin. Është koha të thyejmë rrethin vicioz dhe të ecim përpara.

Deklaratës së saj për kompromis iu bashkuan ambasadorët e Amerikës dhe Bashkimit Europian.

Partia për "Ëndrrën Gjeorgjiane" e themeluar nga Bidzina Ivanishvili qëndron në pushtet nga viti 2012 por po përballet me pakënaqësinë qytetare për gjendjen ekonomike dhe standardet e demokracisë.

Kritikët akuzojnë miliarderin Ivanishvili si personin që po persekuton kundërshtarët politikë dhe ka krijuar një sistem korruptiv që vendos se cila parti vjen në pushtet.

Bota Lajme Opozita zgjedhjet gjeorgji

EMISIONET