Trupa e “Migjenit” të Shkodrës e pret publikun në piknik
Në Dajç të bregut të Bunës, Aty ku Ernest Koliqi shkroi tregimin "A ta laçë" 94 vjet më parë, e nisi takimin me publikun teatri "Migjeni" i Shkodrës.
Rrisi kjo formë komunikimi që nis pas muajve të vështirë që pandemia i shkaktoi artit.
Aktorët e presin publikun të ulur në piknik, brigjeve të lumit që ka simbolika të forta.
Aktorët e rinj erdhën natyrshëm në këtë pjesë ku nuk mungon tensioni dhe dinamika e shfaqjes, por paralelisht edhe filozofia e autorit e dramatizuar mjeshtërisht.
"E kemi shijuar shfaqen në maksimum dhe ka qenë një eksperiencë shumë e bukur."
"Jam shumë i kënaqur me punën."
" Ernest Koloqi edhe pse atëherë në kohën e dikurshme i ka thënë ato gjëra, janë në baraspeshë dhe me kohën që jemi në tani."
Me këtë shfaqje teatri i Shkodrës nisi prezantimin e aktivitetit të titulluar “ Koliqiana”, një Festival kushtuar Ernest Koliqit i cili mund të lexohet edhe ndryshe në skenë.
"Vet shfaqja mban në vetvete një kuptim të jashtëzakonshëm në kuptimin e jetës, që edhe pas vdekjes për ne të krishterët e për të gjithë është mesazhi i ringjalljes të jetës së përtejme."
"Është shumë aktuale. Ka një mesazh shumë të fort dhe për mua kjo është një arritje."
Janë 6 shfaqje, tregime të dramatizuara që do të shfaqen në mjedise të hapura jo vetëm të qytetit por edhe njësive administrative, duke bërë që këtë herë teatri të rrugëtojë tek publiku.