Mbrëmje poetike në Pogradec e Korçë për të madhin Mitrush Kuteli dhe poetin Skënder Rusi

Në 115 vjetorin e lindjes së korifeut të letrave shqipe, Mitrush Kuteli, u organizua në Pogradec mbrëmja poetike "Vargje mbi liqer".

Pogradecarë e të ftuar kanë ndarë në këtë mbrëmje mbresa, kujtime dhe diskutime rreth Mitrushit dhe veprave të tij.

Mbrëmja poetike krahas diskutimeve u shoqërua dhe me interpretime të poezive të Mitrush Kutelit dhe Lasgush Poradecit, të cilat përcollën emocione të forta.

Ndërkohë po të premten në Korçë u mbajt një mbrëmje poetike për poetin Skënder Rusi në nder të 70-vjetorit të lindjes së tij.

Pjesë e mbrëmjes u bënë këngët dhe përshëndetjet e ndryshme nëpërmjet poezive të tij teksa ishte i rrethuar me dhjetëra urime dhe dhurata.

EMISIONET