Koronavirusi hyn në Formula 1, Sergio Perez rezulton pozitiv
Nga OraNews Përditësimi i fundit 30 Korrik 2020, 22:09
Tashmë koronavirusi është "futur" dhe tek garat e shpejtësisë të Formula 1.
Piloti i Racing Point, Sergio Perez rezultoi pozitiv me koronavirus pasditen e sotme (30 korrik).
Këtë e ka bërë të ditur vetë ekipi i Racing Point me një postim në faqen e tyre zyrtare.
Perez nuk ishte prezent në konferencën e ditës së sotme përpara Çmimit të madh të Britanisë.
Ai nuk do të garojë të dielën teksa do të lërë vetëm shokun e tij të ekipit Lance Stroll.
Deri më tani nga testet e kryera në ekip, nuk ka rezultuar pozitiv asnjë tjetër.