Kompania “Mabetex International”, në pronësi të biznesmenit kosovar Behgjet Pacolli fitoi tenderin për ndërtimin e aeroportit të shumëpërfolur të Vlorës.

Pacolli ka shkruar gjatë për këtë fakt, teksa tregon se është i nderuar dhe për të është një privilegj ky besim. Ai vijon më tej duke treguar se vlera e investimit për këtë projekt është e madhe, sipas tij investimi më i madh i një kompanie private në rajon vitet e fundit.

Më poshtë postimi i Behgjet Pacollit:

Sot është një ditë e rëndësishme për kompaninë që unë themelova gati 30 vjet më parë.

Sot është një ditë e rëndësishme për Shqipërinë dhe për mijëra njerëz që do të përfitojnë nga ky investim.

Kompania “Mabetex International” ka fituar (për herë të parë në tokat shqiptare) një projekt madhështor në Shqipëri.

Është një nder dhe privilegj i madh për mua dhe kompaninë time, që më në fund të ngremë flamurin e Mabetexit në tokën shqiptare.

Në fakt,

Mabetex International, me investimet e sajë do të ndërtojë Aeroportin e Vlorës.

Projekti i Mabetexit u zgjodh si projekti më i mirë nga të gjithë ofertuesit.

Unë jam mirënjohës për të gjithë ata që punuan shumë për të fituar këtë projekt dhe gjithashtu falënderoj Qeverinë Shqiptare për veprim të drejtë për të krijuar këtë mundësi.

Vlera e investimit është e madhe.

Në fazen e parë (në periudhën dy-vjeçare) do të ndertohët ndertesa e Aeroportit dhe pista që kapin vlerën e Investimeve mbi 103,500,000 € dhe në fazën e dytë (në 4 vitet e para) do të zhvillohët infrastruktura suplementare e biznesit dhe turizmit që arrijnë vlerën e investimeve me qindra miljiona € .

Ky investim konsiderohët si investimi më i madh i ndonjë kompanie private në rajon në koherat e fundit.