Adelina Thaçi, këngëtarja e njohur nga Kosova, para disa ditësh ka deklaruar se është infektuar me Covid-19 dhe kishte simptoma si lodhje e trupit, dhimbje koke, qafe dhe syve.

Pas deklaratës së saj, Adelina ka marrë një mesazh nga një ndjekëse që nuk i ka pëlqyer aspak.

“Me sa para të kanë shpërblyer që ke pranuar të thuash se je prekur me koronavirus“, ishte mesazhi i ndjekëses.

Ndërsa këngëtarja iu përgjigj: “Uroj që në familjen tënde të mos e provojë askush. Injorant/e si ti ka sa të duash.”

Adelina e ka postuar këtë bisedë në “Instastory” dhe në mbishkrimin e fotos ka shkruar: “Shihni injorantët që s’kanë besim në virus, e as në Zot. Janë po këta njerëz që shpërndajnë virusin dhe shihni çfarë shkruajnë. Më duhet t’iu them se nëse për ju gjithçka është ana financiare, unë se kam pas dhe as nuk e kam atë problem.”