Kavajë, dyshohen se kultivonin bimë narkotike, në pranga 3 persona, procedohet kryeplaku i fshatit
Tre persona janë arrestuar nga policia e Kavajës të dyshuar se kultivonin bimë narkotike në zona të pyllëzuara.
Gjithashtu u proceduan penalisht në gjendje të lirë kryeplaku i fshatit Tilaj dhe kryeplaku i fshatit Kryemëdhenj për shpërdorim detyre.
Në pranga kanë rënë shtetasit me iniciale A. A., A. A. dhe E. D.
Po në vijim të veprimeve janë proceduar penalisht në gjendje të lirë shtetasit Sh. D., me detyrë kryeplak i fshatit Tilaj dhe D. GJ., me detyrë kryeplak i fshatit Kryemëdhenj, pasi dyshohet se kanë konsumuar elementë të veprës penale "Shpërdorim detyre".
Materialet i kaluan Prokurorisë pranë Gjykatës së Shkallës së Parë Kavajë, për veprime të mëtejshme.
(Foto ilustruese)