“Jul Çezari”, një ndër veprat me mesazh të fortë politik të Shakespeare u shfaq në ambient të hapur pranë vendvarrimit të Skënderbeut në Lezhë, si pjesë e një turi kombëtar shfaqjesh për të gjallëruar jetën kulturore në kohët e pandemisë.

“Jul Çezari”,  tragjedia e Willian Shakespeare shkoi tek publiku lezhian në ambient të hapur.

Muret e Lisusit antik pranë vendvarrimit të Skëderbeut u kthyen në skenë me veprën e fortë politike nën regjinë e Iva Buljan.

Aktorë të njohur të skenës shqiptare,  u sollen teatrin qytetareve në këto kohë të vështira që po kalojnë si shkak i pandemisë COVID-19.

Kiço Londo thotë se kjo është mënyre më e mire për ta çliruar publikun nga stresi dhe ankthi i krijuar nga pandemia.

Përgjegjësi i Trashegimisë Kulturore në Bashkinë, Lezhë Paulin Zefi, thotë se me shfaqje të tilla promovohen dhe asetet historike që ka Lezha.

Kjo shfaqje klasike do të prezantohet dhe në kater vende të tjera historike gjatë këtij sezoni veror.