Identifikohet varianti i ri i koronavirusit në Angli, mbi 1000 raste

Identifikohet varianti i ri i koronavirusit në Angli, mbi 1000 raste

Një variant i ri i koronavirusit është gjendur në disa qytete të Anglisë. Këtë lajm e ka dhënë vetë sekretari i Shëndetësisë Matt Hancock para deputetëve.

Sipas tij 60 autoritete të ndryshme lokale kishin regjistruar  raste të infektimit me Covid të shkaktuara nga varianti i ri i Koronavirusit.

Mbi këtë zbulim të ri sipas sekretarit të Shëndetësisë është njoftuar dhe Organizata Botërore e Shëndetësisë të cilët janë duke bërë studime më të hollësishme.

Ai u tha deputetëve se gjatë javës së fundit, kishte pasur rritje eksponenciale të infeksioneve të koronavirusit në të gjithë Londrën.

“Ne kemi identifikuar aktualisht mbi 1.000 raste me këtë variant kryesisht në Jug të Anglisë edhe pse rastet janë identifikuar në gati 60 zona të ndryshme të autoritetit lokal. Ne nuk e dimë nëse kjo rritje është për shkak të variantit të ri, por pa marrë parasysh shkakun e saj, ne duhet të ndërmarrim veprime të shpejta dhe vendimtare, të cilat janë thelbësore për të kontrolluar këtë sëmundje vdekjeprurëse, ndërsa vaksina është shpërndarë.”- thotë ai.

Profesori,  Alan McNally, një ekspert në Universitetin e Birmingham, tha se laboratorët e testimit në Mbretërinë e Bashkuar ishin njohur me këtë variant të ri gjatë javëve të fundit.

Ai shtoi se  kjo nuk do të thotë se ky variant i ri  është më i transmetueshëm, apo më infektiv dhe më i rrezikshëm.

“Le të mos jemi histerikë. Kjo nuk do të thotë se është më i transmetueshëm, apo më infektiv ose i rrezikshëm. Është diçka që duhet monitoruar”- tha Profesori.

Shendetësi Lajme koronavirus Angli infektime

EMISIONET