Ndërkohë që apelohet për mosgrumbullime dhe për respektim të masave anti-Covid, distancimin social etj, pamjet që vijnë nga Vlora tregojnë krejt të kundërtën.

Gazetari i Ora News, Edi Ruçi, sjell pamje nga Pallati i Sportit “Flamurtari”, ku pritet të nisë vaksinimi i mjekëve dhe infermierëve të qendrave shëndetësore të Vlorës, Tepelenës, Përmetit, Lushnjes.

Grumbullim masiv personash, mosrespektim i distancimit social, detaj që është vënë re edhe në qytete të tjera ku po kryhet procesi i vaksinimit.