Grenell kritikon CNN se nuk raportoi që Trump u nominua për çmimin "Nobel"
Richard Grenell së fundmi ka kritikuar rrjetin kabllor televiziv amerikan CNN.
Nëpërmjet një postimi në llogarinë e tij personale në Twitter, Grenell thotë se ky medium prestigjoz nuk ka raportuar asnjë lajm mbi Presidentin e Shteteve të Bashkuara të Amerikës, Donald Trump i cili u nominua për çmimin prestigjoz “Nobel” për paqe, shkaku i marrëveshjes Kosovë-Serbi.
“Nominimi i Donald Trump për Çmimin Nobel të Paqes shkaku i marrëveshjes Kosovë-Serbi nuk është në faqen e parë të CNN-it. Por kjo është arsyeja pse ata kanë kokat më të mira për dushin e vitit 2020”- shkruan ai krah një "Screenshoti" të bërë të faqes të CNN, ku nuk shihet asnjë lajm rreth nominimit.