Pas zgjedhjeve të 14 shkurtit, Gjermani dhe Franca kanë përgëzuar Albin Kurtin dhe Vjosa Osmanin për rezultatet.

Ata gjithashtu kanë kërkuar që sa më shpejt të formohet qeveria e re dhe të zgjidhet presidenti i Kosovës.

Ambasadori gjerman në Kosovë, Jorn Rohde ka publikuar në rrjetin social Tëitter ku shkruan se presin që të formohet qeveria dhe të vendoset për presidentin sapo të finalizohen rezultatet e zgjedhjeve të 14 shkurtit.

Gjermania dhe Franca do të përkrahin Kosovën në agjendën lidhur me reformat ku përfshihet forcimi i sundimit të ligjit, lufta kundër korrupsionit dhe krimit të organizuar.

“Së bashku me BE-në ne do të mbështesim Kosovën në menaxhimin e pandemisë COVID 19”– shkruan ai në Twitter.

Dy shtetet kanë deklaruar se janë të gatshme për të mbështetur vazhdimin e dialogut të lehtësuar nga Bashkimi Europian.