Gian Piero Gasperini e pranon se pranimi i dy golave në fund i ka lënduar më shumë sesa fitorja e PSG-së, sepse Atalanta u afrua aq shumë me gjysmëfinalen e Ligës së Kampionëve.

Ekipi nga Bergamo kishte epërsi 1-0 deri në minutën e 90-të me një gol të Mario Pasalic. Pas kësaj humbje “fatkeqe” nëse mund ta quajmë trajneri i Atalnatës Gasperini u shpreh për Sky Sport Italia se skuadra iu afrua shumë Champious League, dhe se italianët u ndëshkuan në fund të ndeshjes.

“Keqardhja më e madhe është se u afruam aq shumë dhe menduam se mund të arrinim vërtet këtë arritje të jashtëzakonshme. “Kënaqësia mbetet që kemi pasur një sezon të shkëlqyer në Ligën e Kampionëve, duke u përmirësuar vazhdimisht kundër skuadrave më të mira në Evropë. Unë vetëm mund të falënderoj djelmoshat për gjithçka kanë bërë këtë sezon”.

“Është zhgënjyese sepse u afruam kaq afër. Ka disa nga lojtarët më të mirë në botë, Mbappe dhe Neymar, të cilët në një moment të caktuar ua vështirësuam jetën”. Ne mund të pranonim më herët, në një mënyrë që mund të ishte më mirë, pasi pranimi në shtesë dëmton më shumë. Ne bëmë gjithçka që mundëm, në përfundim të ndeshjeve shumë të vështira dhe rraskapitëse, kështu që mund vetëm të falënderoj djelmoshat. Liga e Kampionëve është një garë shumë e veçantë dhe lexova pak kohë që Jose Mourinho tha se ishte gara e detajeve. Detajet bëjnë ndryshimin kur lojërat janë kaq të ekuilibruara dhe mund të shkojnë në një mënyrë ose në tjetrën”.

“Pavarësisht nga çdo gjë, kemi arritur në minutën e 90-të në epërsi. Ne sigurisht që ishim të përgatitur mirë në paraqitje të caktuara, kishte një mundësi Berat Gjimshiti, dhe mund të kishim bërë më mirë në disa kundërsulme, por përsëri, këto janë të gjitha detajet”, përfundoi trajneri italian duke vlerësuar dhe performancën e lojtarit shqiptar.

Gjimshiti u bë lojtari i parë i Kombëtares së Shqipërisë që ka luajtur në çerekfinale të Ligës së Kampionëve.” Asnjë lojtarë tjetër më parë nuk e ka prekur dot këtë fazë të kësaj gare nga kuqezinjtë, teksa të vetmit që kanë kaluar fazën e grupeve kanë qenë Elseid Hysaj, Shkëlen Gashi apo edhe Taulant Xhaka.

Gjatë ndeshjes me PSG mbrojtësi shqiptar, Berat Gjimshiti luajti për 60 minuta, ku u vlerësua me notën 6.7.