Tre shqiptarë janë pikasur nga një person mbrëmjen e djeshme në Modena teksa ishin duke vjedhur në një banesë.

Policia është vënë në ndjekje të tyre, por ka mundur të arrestojë vetëm një 48-vjeçar pasi dy të tjerët janë larguar në këmbë nëpër fusha.

Shqiptari është përplasur me një makinë tjetër teksa tentonte të largohej me “Mercedesin” e tij, dhe ka lënë të plagosur një çift, ku fatmirësisht janë jashtë rrezikut për jetë.

Ai madje ka pasur edhe sherr me policinë në momentin e ndalimit. Nga grabitja në banesë ai kishte mundur që të merrte një orë dhe 200 euro.