Meteorologët paralajmërojnë një fundjavë me stuhi dhe reshje shiu të cilat në veriperëndim dhe jug të vendit mund të shkaktojnë edhe përmbytje.

Agjencia Kombëtare e Mbrojtjes Civile (AKMC) në zbatim të ligjit “Për Mbrojtjen Civile” dhe Planit Kombëtar të Emergjencave Civile u ka bërë shkresë zyrtare 5 prefekturave në vend që të marrin masa të menjëhershme parandaluese dhe vënien në gatishmëri të strukturave operacionale

Prefekturave që u është dërguar shkresa janë  Shkodra, Lezha, Fieri, Vlora, Gjirokastra

Zonat që rrezikojnë të preken më shumë Shkodra, Dibra, Malësia e Madhe, Kruja” thuhet në njoftimin e sotëm të Ministrisë së Mbrojtjes.

Kjo ministri kërkon të vlerësohen zonat më të rrezikuara nga përmbytja si dhe u kërkon të merren masa për popullsinë

Reshjet e shiut dhe stuhitë mund të bëhen shkak për përmbytje në disa prefektura në dy ditët në vijim. Kaloni në gatishmëri të gjitha strukturat e pushtetit lokal. Vlerësoni zonat më të rrezikuara nga përmbytja, merrni masa për popullsinë. Njoftoni popullsinë për rrezikun dhe planifikimin e masave reaguese në rast përmbytje” nënvizon AKMC 

Gjithashtu kërkohet që pushteti vendor të përcaktojë vendet e pa rrezikuara për zhvendosjen e popullsisë në rast rreziku

Po kështu u kërkohet që Forcave të Armatosura dhe Policisë Shtetit të jenë në gatishmëri me kapacitetet e deklaruara për rastet e emergjencave