FOTO/ Aksident i frikshëm në Berat, përfshihen 5 makina. BMW-ja bëhet copë
Nuk kanë të ndalur aksidentetet rrugore në vend.
Më i fundit është regjistruar pak minuta më parë në qytetin e Beratit.
Aksident ka ndodhur në aksin rrugor Berat-Uznovë, në afërsi të Spitalit Rajonal të Beratit.
Siç raporton gazetari i Ora News, Artan Diko, një automjet BMV ka marrë përpara 4 automjete.
Siç shihet në pamjet e sjella nga gazetari i Ora News, makinat kanë pësuar dëmtime të shumta, ndërsa BMW-ja duket thuajse e copëtuar.
Nga informacionet paraprake, drejtuesi i BMW, i identifikuar si Ervis Domaxeti, është përplasur me automjetet që kanë qenë të parkuara, ndërsa pas aksidentit është larguar nga vendngjarja.
Policia dhe shërbimi zjarrfikës mbërritën menjëherë në vendngjarje, ku shenjat e aksidentit janë shumë të dukshme.
Sipas gazetarit të Ora News, i plagosur nga aksidenti ka mbetur shtetasi Eri Ilia, 38 vjeç.