Investitorët shqiptarë drejt Kosovës, 600 biznese vendosen në Prishtinë, financimi shkon në 60 milionë euro

Rreth 600 biznese aktive shqiptare operojnë në tregun e Kosovës duke financuar me rreth 60 milionë euro. Sipas raportit të Bankes se Kosovës, Shqipëria arrin të jetë investitori i pestë më i madh në Kosovë. Ekspertët shprehen se shkak janë lehtësirat fiskale, por po ashtu dhe skemat e rifinancimit.

Biznesmenët shqiptarë po e shohin Kosovën gjithnjë e më shumë si një mundësi e mirë për zhvillimin e investimeve të tyre.

Vetëm në 6 mujorin e parë të këtij vlera e financimeve arriti në vlerën e 60 milionë eurove. 
Në një intervistë për RTV Ora, eksperti i ekonoimisë Genti Beqiri shprehet se rifinancimi i aktiviteteve në disa sipërmarrje, ka ndiuar që investitorët shqiptar ta shikojnë prishtinën si një mundësi më të mirë 

Genti Beqiri: Një shifër rekord në këtë aspekt. Kryesisht në sektorin e ndërtimit, hidrokarburit apo ndërmjetësimit financiar” 

Banka Qëndrore e Kosovës në raportin e fundit shprehet se Shqipëria është shndërruar në investitorin e pestë më të madh. Kreu i Odës së Biznesit në Kosovë nënvizon faktin se janë rreth 600 biznese shqiptare aktive. 

Shahini: Bizneset e Shqipërisë trajtohen shumë mirë në Kosovë. Janë gjithmonë të mirëpritur dhe u jep siguri.

Por çfarë lehtësirash ofron Kosova duke e bërë treg tërheqës? 

Shahini: Bizneset shqiptare nuk trajtohen askund më mirë se në Kosovë.  

Sipas Shahinit marrëveshjet mes dy qeverive, ende nuk kanë dhënë ndikimin e duhur në shkëmbimet tregtare pasi ende nuk kanë filluar të zbatohen.