32 vjeçari nga Gambia mori së fundmi €70,000 nga gruaja e tij 68- vjeçare nga Belgjika. Ai thotë se me ato para ka blerë tokë  për të ndërtuar shtëpi dhe madje ka zgjedhur dhe vendin e varrosjes së gruas së moshuar.

“Gambia është kthyer së fundmi në një epiqendër “të turizmit të seksit”, aty ku gratë e moshuara shkojnë për të njohur djemtë rinj afrikanë”, raportojnë mediat britanike.

Këtë fenomen e eksploroi një dokumentar i rrjetit britanik Channel 4, i quajtur ‘Sex on Beach’, duke dërguar një gazetar për të intervistuar burrin e të moshuarës.

Në një prej sekuencave ai i tregon gazetarit britanik tokën që ka blerë dhe shtëpinë “me pishinë” që po ndërton aty.

Në momentin që u pyet nëse ishte i shqetësuar për problemet shëndetësore të gruas së tij të moshuar belge Francoise, Alka shprehet se është i gatshëm të kujdeset për të:

“Sigurisht që jam gati për këtë. Dua që ajo të vdesë në krahët e mia. Unë do t’i them asaj ‘do të të varros këtu’”, dhe tregon me dorë nga një hapësirë në kopësht duke thënë: “Ajo do që të vdesë aty.”

32-vjeçari, përveç 70 000 eurove, ai merr nga e moshuara çdo muaj €300 si “para për ushqim”.

Çifti u martuan në Gambia gjatë pandemisë së koronavirusit.

Ndër të tjera për dokumentarin, 32 vjeçari shton: “Ndoshta harrova t’ju tregoj. Ne në Gambia, nuk e vrasim mendjen për moshën. Mosha është vetëm një numër, e ke parasysh … “