Disney shkurton punonjësit
Kriza e pandemisë ka detyruar kompaninë “Disney” të shkurtojë rreth 28 mijë punonjës amerikanë. Nëpërmjet një deklarate, kompania sqaroi situatën e vështirë financiare dhe vendimin për zvogëlimin e fuqisë sonë punëtore.
Kompania “Walt Disney” do të pushojë nga puna rreth 28,000 punonjës amerikanë në sektorin e parqeve, e detyruar nga kriza e pandemisë së koronavirusit. Një pjesë e madhe e parqeve argëtuese kanë funksionuar me pjesëmarrje të kufizuar, dhe me mbylljen e vazhdueshme të Disneyland në Kaliforni. Rreth dy të tretat e punonjësve të pushuar nga puna janë punëtorë me kohë të pjesshme, tha kompania në një deklaratë.
"Ne kemi marrë vendimin shumë të vështirë për të filluar procesin e zvogëlimit të fuqisë sonë punëtore në segmentin tonë të Parqeve në të gjitha nivelet," tha në një deklaratë kryetari Josh D'Amaro.
Ai përmendi kapacitetin e kufizuar të parqeve dhe pasigurinë e vazhdueshme në lidhje me kohëzgjatjen e pandemisë. Situata në kaliforni, sipas tij, është përkeqësuar pasi shteti nuk është i gatshëm të heqë kufizimet që do të lejonin Disneyland të rihapej.
“Disney”mbylli parqet argetëuese në të gjithë botën në fillim të këtij viti kur nisi përhapja e pandemisë. Më pas të gjithë, përveç Disneyland, u hapën gradualisht, megjithëse kompania u detyrua të kufizonte numrin e vizitorëve për të lejuar distancën fizike.