Dimri zhvesh pyjet, bllokohen katër makina me lëndë drusore

Dimri zhvesh pyjet, bllokohen katër makina me lëndë drusore

Policia e Lezhës ka bllokuar 4 automjete që transportonin lëndë drusore të prerë në mënyrë të paligjshme.

Bëhet fjalë për dy mjete tip furgon dhe dy kamionçina të ngarkuara me dru, të cilat u ndaluan në Rubik, Mirditë, Skuraj dhe Kurbin.

Gjatë kontrollit të ushtruar, shërbimet e Policisë kanë konstatuar se drejtuesit e këtyre mjeteve po transportonin rreth 25 m3 lëndë drusore të prerë në mënyrë të paligjshme.

Në përfundim të veprimeve, specialistët për Hetimin dhe Parandalimin e Krimit në Komisariatin e Policisë Mirditë dhe Kurbin kanë proceduar penalisht shtetasit A. B., 56 vjeç, banues në Thumanë, F. N., 48 vjeç, banues në Tiranë, K. C., 34 vjeç dhe P. T., 56 vjeç, banues në Lezhë.

Materialet në ngarkim të tyre janë referuar në Prokurorinë e Rrethit Gjyqësor Lezhë dhe Kurbin, për veprime të mëtejshme.

Vendi Lajme lezhe Kronike lende drusore

EMISIONET