Maqedonia e Veriut vijon të përballet me një numër të lartë infektimesh dhe vdekjesh nga Covid-19.

Në 24 orët e fundit, janë kryer 1683 teste dhe janë regjistruar 591 raste të reja me Covid-19, informon Ministria e Shëndetësisë në Shkup.

Sa i përket viktimave, 40 pacientë nuk kanë mundur të fitojnë betejën me virusin, përcjell Ora News.

Lajm i mirë është shërimi i 439 pacientëve.

Shpërndarja gjeografike e rasteve të reja

Shkup – 218, Kumanovë – 47, Gostivar – 46, Manastir – 36, Kërçovë – 29, Tetovë – 28, Prilep – 26, Veles – 24, Strumicë – 22, Shtip – 21, Sveti Nikollë – 16, Negotinë – 15, Vinica – 10, Kavadarci dhe Kocani nga nëntë secili, Resnja – 6, Valandovo dhe Delçevo nga 5, Kriva Pallanka – 4, Probishtipi – 3, Struga, Ohri, Krushevo – 2 secili, Radovish, Demir Hisar, Makedonski Brod, Pehçevë, Berovo dhe Kratovo nga 1 rast secila.

Nga nisja e pandemisë, shteti fqinj regjistron 47,636 të infektuar dhe 1345 viktima.