Nisja e hetimeve nga SPAK për fshehje pasurie ndaj deputetit Ervin Bushati, njëkohësisht drejtues i PS në Tiranë, kanë turbulluar edhe selinë rozë.

Gjatë bashkëbisedimit me gazetarët, kryeministri Edi Rama hoqi përgjegjësinë e partisë që drejton nga kjo çështje e drejtësisë, duke e lënë Bushatin të vetëm para SPAK.

Edhe pse lideri i mazhorancës la të nënkuptojë se ende nuk ka marrë një vendim për funksionet e Ervin Bushatit në PS.

Pyetje: A keni menduar ta zhvishni Bushatin nga funksionet partiake deri në mometin që SPAK të përfundojë hetimet në mënyrë që PS të mos marrë kosto elektorale?

Rama: PS ka një ndryshim të madh nga partitë e tjera që mendojnë sa për sy e faqe. PS i ka të ndara gjërat. Qëllimi është i përbashkët, përgjegjësia individuale. PS as është bërë, as bëhet dhe as nuk do të bëhet ndonjëherë mburojë e askujt që duhet që me përgjegjësinë individuale të përballet me çdo akuzë, çdo hetim, çdo procedim. Mos kini asnjë merak. Gjërat janë shumë të qarta mes nesh. Kush merr një detyrë në PS apo në qeverinë e PS e di shumë mirë se qëllimi është i përbashkët, përgjegjësia është individuale dhe për çdo kapërcim të vijës ndarëse mes qëllimit tonë të përbashkët dhe interesave personale kur ky kapërcim shkel interesin e përbashkët secili përgjigjet vetë. Sa i takon veshjes apo zhveshjes së zoti Bushati apo çdo zotërie tjetër është një çështje që i takon familjes sonë politike dhe e dimë ne sesi dhe kur e bëjmë këtë proces në raport me qytetarët. Mos kini asnjë merak për PS.

Por kur pyetet për kundërshtarin e tij politik Lulzim Bashën në lidhje funksionin e kreut të PD gjatë luftës së Kosovës, Edi Rama është më i qartë me kërkesat e tij.

Edi Rama ja kujton Bashës çdo ditë këtë çështje, por nga ana tjetër ai mohon që këto pretendime kanë lidhje me 25 prillin

Rama: Një përfaqësues i një familje, i një ndërrmarje, i një organizate, i një medie dhe për më tepër një përfaqësues i një numri të caktuar qytetarësh dhe aq më shumë akoma përfaqësues akoma i një partie politike që për më tepër pretendon të qeverisë vendin, ka një detyrë të patjetërsueshme, të mbajë qëndrime dhe të shikojë në sy njerëzit dhe të thotë atë që i takon në raport me çështje të caktuara dhe me çështje që lidhen me të, nuk po flasim për jetën private, por po flasim për një detyrim shumë të thjeshtë që një lider, një drejtues ka, të shpjegohet dhe patjetër që në këtë rast jam aspak i dëshiruar që këto akuza, që nuk i bëj unë, por që i bëjnë dëshmitarë që unë as i njoh, të jenë të vërteta, por është detyrim i patjetërsueshëm, nuk bëhet duke sharë mua e as teori konsipiracioni, as duke heshtur apo duke nxjerrë partisë, unë i them shpjegohu.

Në PS në kohën që e ka drejtuar PS, ka mbajtur një qëndrim që bie ndesh me interesin kombëtar, dhe nëse ju më pyesni mua unë kam për detyrim që të mbaj qëndrim se është PS. Dhe PD në qeveri kanë votuar rezolutën e Këshillit të Europës mbi bazën e raportit të Dick Marty, ndërkohë që ne e kemi votuar kundër.

Pse, mund të ketë argumente, pse e votuan, ta thonë, këto janë thjesht dhe vetëm në funksion të detyrës që unë kam, të gjitha të tjerat që kjo po përdoret për zgjedhje, që po përfshihet Kosova në fushatë, janë dokrra, që nuk kanë lidhje me arsyen se përse ne ngremë këtë çështje, nuk mund ‘i bëj bisht nevojës për të dalë dhe për të thënë kam qenë këtu, kam bërë këto, kam pasur këto arsye. Por kjo nuk bëhet që këtu ka një konspiracion të Ramës, që Rama kështu bën gjithmonë, se ca bën Rama këtë nuk e gjykon Basha në kushtet kur duhet të shpjegojë ca ka bërë ai, jo unë.

 Është elementare, kështu funksionon në të gjithë botë, llogaridhënia para njerëzve e dikujt që do të drejtojë vendin, nuk do ti ta dish se çfarë mendon Basha nga A-ZH, pavarësisht se ca thotë Rama dhe kjo është arsyeja se përse unë ngre këtë çështje, është karakteri i lidershipit që testohet dhe është para njerëzve, e pamundur që një drejtues të mos ketë këtë tipar të karakterit, që të përballet me çështjen që ka interes publik, dhe jo më me  atë që ka të bëjë me të, unë këtë tipar mbase e kam të ekzagjëruar, të bëjë unë PS që të nxjerrë logon për të bërë atë që duhet të bëjë unë…Shmangia e vazhdueshme për t’u përballur me to nga akuzat apo kundër akuzat mbi ata njerëz që nuk e kuptoj se ca arsye mund të kenë ato njerëz që i drejtohen Bashës, pse nuk i adresohen diku tjetër…

Ndërsa sekretari i Përgjithshëm i Partisë Socialistë publikoi CV e kreut të PD-së, në të cilën thuhet se Lulzim Basha në 1999 ka qenë përgjegjës operacional në zyrën e Tribunalit Ndërkombëtar për Krimet e Luftës në ish-Jugosllavi.