“Braking. Ndalo se ke në dalje..", ja si grupi i trafikantëve kryente monitorimin e policëve gjatë rrugës

“Braking. Ndalo se ke në dalje..", ja si grupi i

Gjykata e Elbasanit ka  caktuar sot masën e “arrestit në burg” për 6 personat e arrestuar si të përfshirë në trafikun e klandestinëve sirianë.

Gjatë hetimit të kësaj çështje familjarë të emigrantëve sirianë që nisen nga Turqia në drejtim të Greqisë dhe më pas në Shqipëri, për të kapërcyer më pas në vendet e Bashkimit Europian, paguajnë tek trafikantët shuma financiare nga 11 deri në 15 mijë euro.

Kjo shifër evidentohet në një dosje penale të hetuar nga prokuroria e Elbasanit,e cila dy ditë më parë arrestoi Xhuliano Drymishin, Romeo Drymishin, Eralb Koliqin dhe Jorid Muçekun.

Organizatori i këtij trafiku klandestinësh ishin disa persona nga Korça dhe Gentian Sula, një person nga Elbasani që ndiqte në mënyrë dinamike hyrjen e klandestinëve në territorin shqiptar dhe së bashku ne Erind Beqollin, më pas i orientonin ata mbi lëvizjet që kryenin në terren.

Nga Kosturi deri në Shqipëri klandestinët, janë udhëhequr nga një trafikant shqiptar dhe sistemit “Google Maps”.

Më pas trafikanti shqiptar është kthyer në Greqi, dhe në territorin shqiptar gjithçka e menaxhonte Erind Beqolli dhe Sula.

Erind Beqolli, vepronte përpara me makinë, duke monitoruar postoblloqet e policisë dhe orientuar shoferin që transportonte klandestinët Gentian Sula.

“Braking. Ndalo. Se ka në dalje…”- ky është një nga mesazhet që Erindi, i dërgon drejtuesit të furgonit, pasi ai qëndronte në pararojë, për të monitoruar postoblloqet e policisë.

Nga kqyerja e këtyre telefonave celularë rezulton se këta shtetas në bashkëpunim me njëri-tjetrin, kundrejt pagesave të ndryshme, kanë kryer transportin e shtetasve të mësipërm me mjete të cilat i merrnin me qira në qytetin e Beratit si dhe me mjete të cilat i kanë patur në përdorim të tyre.

Nga përgjimet ambientale të kryera mes këtyre personave provohet se kanë bashkëpunuar me njëri-tjetrin në realizimin e këtij aktiviteti të kundraligjshëm.

Lexo edhe- Deri në 300 euro për një refugjat/ 4 durrsakë arrestohen në Elbasan

Rezulton se personat e arrestuar në kohë të ndryshme kanë vepruar në role të ndryshme.

Kështu nga veprimet rezulton se Xhuliano dhe Romeo Drymishi kanë gjetur mjetet me të cilat do të kryenin transportin e sirianëve.

Po kështu dy vëllezërit, herë kanë qenë në rolin e drejtuesve të mjetetve me të cilat kryenin transportin dhe herë në rolin e personave të cilët kanë bërë shoqërimin e mjeteve në të cilët ndodheshin shtetasit e huaj.

Erald Koliqi dhe Jorid Muçeku, rezulton se në disa raste kanë qenë në drejtim të mjeteve me të cilët transportoheshin shtetasit e huaj të cilët kontaktoheshin nga shtetasit Xhuliano dhe Romeo Drymishi dhe herë kanë qenë në rolin e personave që kontatoheshin nga shtetasit e huaj.

Nga hetimi rezulton se këta persona kanë konsumuar veprën penale në bashkëpunim dhe kundrejt pagesave, të cilat variojnë nga 250 deri në 300 euro për secilin shtetas të huaj të cilët kanë kaluar kufirin shtetwror tw Republikës së Shqipërisë në mënyrë të kundraligjshme.

Për këtë rast, ditën e sotme policia e Elbasanit arrestoi dhe një person tjetër Erind Beqoli alias Sandri Krasta, i implikuar në këtë veprimtari kriminale.

Masat e sigurisë sot në gjykatë

Xhuliano Drymishin arrest në burg

Romeo Drymishin Arrest në burg

Eralb Koliqin arrest në burg

Jorid Muçekun arrest në burg

Erind Beqolli arrest në burg

Gentian Sula arrest në burg

Vendi Lajme elbasan Kronike trafik klandestinesh vellezerit drymishi

EMISIONET