Zara mbyll 500 dyqane, PayPal pezullon shërbimet, Rusia akuzon Perëndimin për "banditizëm ekonomik"

Zara mbyll 500 dyqane, PayPal pezullon shërbimet, Rusia akuzon

Nga 6 marsi, Zara do të mbyllë të gjitha 502 dyqanet e saj të veshjeve në Rusi, thotë pronari i saj Inditex.

Biznesi global i modës do t'i mbyllë të gjitha dyqanet e tetë markave të tij: Zara, Pull & Bear, Massimo Dutti, Bershka, Stradivarius, Oysho, Zara Home dhe Uterqüe.

Inditex tha për BBC-në se është duke hartuar një plan për të mbështetur 9,000 punonjësit e tij me bazë në Rusi.

Ndërkohë, Samsung, furnizuesi kryesor i telefonave inteligjentë në Rusi, përpara Xiaomi dhe Apple, do të pezullojë dërgesat në vend "për shkak të zhvillimeve aktuale gjeopolitike".

Është e paqartë nëse dyqanet e Samsung do të mbyllen.

Dhe kompania e pagesave online Paypal gjithashtu ka mbyllur shërbimet në Rusi, duke dënuar "agresionin e dhunshëm ushtarak të vendit". Ajo thotë se do të mbështesë tërheqjet "për një periudhë kohore".

Zyrtarët e qeverisë ukrainase i kishin bërë thirrje PayPal të largohej nga Rusia dhe t'i ndihmonte ata me mbledhjen e fondeve.

Në një reagim, qeveria ruse akuzoi Perëndimin për përfshirje në "banditizëm ekonomik"  dhe paralajmëroi se Moska do t'i përgjigjet veprimeve të saj.

Zëdhënësi i Kremlinit, Dmitry Peskov, nuk specifikoi se cila mund të ishte përgjigjja, por tha se do të ishte në përputhje me interesat ruse.

Qeveritë e Mbretërisë së Bashkuar, BE-së dhe SHBA-së vendosën sanksione të gjera kundër institucioneve ruse dhe miliarderëve që mendohet se janë afër Presidentit Putin.

Por Peskov tha se Rusia ishte shumë e madhe për t'u izoluar, pasi bota është "shumë më e madhe se vetëm SHBA-ja dhe Evropa".

EMISIONET