VIDEO/ Fenomen i çuditshëm në Turqi, shfaqet papritur gropa gjigande

Një fenomen i ri gjeologjik ka tronditur Turqinë. Një gropë e madhe u shfaq papritur dje në rrethinat e Karapinarit, në provincën e Konias , që ndodhet në rajonin e Anadollit Qendror, jo shumë larg zonave më të prekura nga tërmetet e tmerrshme që tronditën Turqinë jugore dhe Sirinë veriore .

Hetimet e para sugjerojnë se kjo vrimë e madhe arrin rreth 37 metra në diametër dhe 12 metra të thellë, megjithëse madhësia dhe thellësia e saj ka shumë të ngjarë të rriten në ditët në vijim. 

A mund të qëndrojnë pas kësaj tërmetet e forta dhe shkatërruese në jug të vendit? 

Përveç kësaj, së fundmi në këtë zonë është regjistruar një tërmet me magnitudë 4.3 ballë.

Sipas profesor Fetullah Arık, Drejtor i Qendrës së Kërkimit dhe Aplikimit në Obruk në Universitetin Teknik të Konias (KTÜN), nuk mund të vendoset një lidhje domethënëse midis tërmeteve të fundit dhe shfaqjes së papritur të këtyre gropave.

Në fakt, ky fenomen gjeologjik është i njohur në rajon. Bëhet fjalë për një gropë të madhe ose turke, dukuri e uljes së tokës që ndodh zakonisht në zonat karstike, me një lloj nëntoke ku ka shkëmbinj karbonatikë që i nënshtrohen tretjes kimike. 

Në nëntokë krijohen shpella që më vonë mund të shemben, duke gëlltitur gjithçka që gjendet në sipërfaqe, duke paraqitur rrezik për shtëpitë dhe infrastrukturën.