Rekord të ardhurash për Twitter, në tre muaj ka fituar 1,28 miliardë dollarë

Rekord të ardhurash për Twitter, në tre muaj ka fituar  1,28

Twitter ka njoftuar  se në tremujorin e tretë të 2021 të ardhurat e kompanisë kanë treguar një rritje të konsiderueshme prej 37% në krahasim me një vit më parë, duke arritur 1.28 miliardë $, pjesa më e madhe e të cilave erdhi nga reklamat (1.14 miliardë dollarë).

Përdoruesit  aktivë të përditshëm që shohin reklama, janë rritur me 13%, duke arritur në 211 milionë.

Në një masë të madhe, rritja e përdoruesve (me pesë milionë) erdhi  edhe nga vende të tjera përveç SHBA-së.

Sipas Reuters dhe New York Times, kompania u detyrua të shfaqte një humbje prej 537 milionë dollarë në tremujorin e tretë të këtij viti (krahasuar me një fitim prej 29 milionë dollarësh në tremujorin e tretë të 2020), sepse pagoi 809.5 milionë dollarë për të zgjidhur një mosmarrëveshje ligjore me aksionerët e saj që nga viti 2016, të cilët e kishin akuzuar atë për mashtrimin e investitorëve për numrin e përdoruesve të platformës.

 Megjithatë, aksioni i Twitter me qendër në San Francisko, u rrit në tregun e aksioneve amerikane pas shpalljes së rezultateve financiare të tremujorit të tretë.

EMISIONET