Tensionet Poloni-Bjellorusi: 200 emigrantë tentuan të kalojnë kufirin

Tensionet Poloni-Bjellorusi: 200 emigrantë tentuan të kalojnë

Rreth 200 migrantë kanë tentuar të kalojnë ndalesën gjembore në pikën kufitare mes Polonisë dhe Bjellorusisë më 24 nëntor, ka thënë Garda Kufitare polake.

Incidenti i fundit afër fshatit Czeremça është pjesë e përleshjeve ditore në mes të migrantëve dhe forcave kufitare.

“Ata kanë tentuar të kalojnë kufirin, të sulmojnë kufirin”, u shpreh të enjten zëdhënësja e Gardës Kufitare, Anna Michalska.

“Ata kanë hedhur gurë dhe tentimet e tyre janë bllokuar nga zyrtarët tanë”, shtoi ajo.

Zyrtarët e Bashkimit Evropian kanë thënë se janë duke bërë gati pakon e pestë të sanksioneve kundër Bjellorusisë pas atij që e konsiderojnë si “sulm hibrid” ndaj bllokut.

Pas rritjes së tensioneve, autoritetet bjelloruse kanë pastruar kampet e emigrantëve një javë më parë në zonën kufitare dhe u kanë mundësuar disa emigrantëve nga Iraku që përmes fluturimeve të kthehen në vendlindje.

Veprimet e Minskut janë parë si hakmarrje për sanksionet e vendosura nga BE-ja ndaj regjimit të Aleksandër Lukashenkos, pas shtypjes brutale të opozitës, e cila beson se lideri autoritar ka manipuluar zgjedhjet e mbajtura në gusht të vitit të kaluar.

EMISIONET