Shiten për 1.5 mld $ pikturat e bashkëthemeluesit të Microsoft Paul Allen

Shiten për 1.5 mld $ pikturat e bashkëthemeluesit të Microsoft

Piktura dhe skulptura në pronësi të bashkëthemeluesit të ndjerë të Microsoft, Paul Allen, janë shitur për një rekord prej 1.5 miliardë dollarësh.

Ky ishte ankandi më i madh i artit në histori, sipas Christie's.

Shtëpia e ankandeve tha se veprat e Vincent van Gogh, Georges Seurat, Paul Gauguin, Paul Cezanne dhe Gustav Klimt u shitën secila për më shumë se 100 milion dollarë duke thyer rekorde individuale për ata artistë.

Të ardhurat nga shitja do të dhurohen për bamirësi të mbështetura nga Allen para vdekjes së tij në 2018.

Vepra më e shtrenjtë e artit e blerë ishte vepra e Seurat-it e vitit 1888 Les Poseuses, Ansemble (versioni i vogël), një vepër e njohur e pointillizmit, e cila arriti në 149.2 milion dollarë (131 milion £), duke përfshirë tarifat, tha Christie's.

Vlera totale e koleksionit tashmë ka mposhtur rekordin e vendosur në fillim të këtij viti, për koleksionin Macklowe, në pronësi të një çifti të pasur nga Nju Jorku - i cili u shit për 922 milionë dollarë (810 milionë funte).

EMISIONET