VIDEO/ Rrëzohet një avion me pasagjerë, ekipet nisen drejt zonës ku dyshohet se ka rënë

 Një ngjarje e rëndë ka ndhodhur në Brazil, ku një avion është rrëzuar me pasagjerë. Mësohet se avioni me 62 persona është rrëzuar në periferi të São Paulo, Brazil, sipas Mbrojtjes Civile të vendit.

Gjithashtu ekipet e shpëtimit janë nisur drejt zonës ku dyshohet se ka rënë avioni. Sipas të dhënave në Flightradar24, avioni Voepass u largua nga Cascavel dhe ishte rrugës për në São Paulo kur humbi sinjalin pak para orës 13:30 me orën lokale (12:30 pasdite ET).

Sipas një deklarate të linjës ajrore Voepass në avion ndodheshin 58 pasagjerë dhe 4 anëtarë të ekuipazhit në momentin e rrëzimit. 

“Nuk ka ende asnjë konfirmim se si ka ndodhur aksidenti apo situata aktuale e njerëzve në bord”, thuhet në deklaratë.

Ndërsa avioni kishte kapacitet deri në 68 veta. Ende nuk dihet situata me ekuipazhin, nëse kanë mundur të mbijetojnë. Nga pamjet e shpërndara në rrjetet sociale duke avioni që bën rrotullime të çudtishme dhe më pas bie në tokë duke krijuar një zjarr të madh.