OBSH konfirmon rastin e gripit të shpendëve tek njerëzit në Indi

OBSH konfirmon rastin e gripit të shpendëve tek njerëzit në

Organizata Botërore e Shëndetësisë tha se një rast i infeksionit njerëzor me gripin e shpendëve të shkaktuar nga virusi H9N2 u zbulua te një fëmijë katër vjeçar në shtetin lindor indian të Bengalit Perëndimor.

Pacienti u shtrua në njësinë e kujdesit intensiv pediatrik (ICU) të një spitali lokal për shkak të problemeve të vazhdueshme të rënda të frymëmarrjes, temperaturës së lartë dhe ngërçeve të barkut në shkurt, dhe u lirua tre muaj më vonë pas diagnozës dhe trajtimit, tha OBSH.

Pacienti kishte ekspozim ndaj shpendëve në shtëpi dhe në rrethinën e tij dhe nuk kishte asnjë person të njohur që raportonte simptoma të sëmundjes së frymëmarrjes midis familjes së tij dhe kontakteve të tjera, tha agjencia.

Informacioni mbi statusin e vaksinimit dhe detajet e trajtimit antiviral nuk ishin të disponueshme në kohën e raportimit, shtoi OBSH.

Ky është infeksioni i dytë njerëzor i gripit të shpendëve H9N2 nga India, me të parin në vitin 2019, tha agjencia.

Ndërsa virusi H9N2 zakonisht tenton të shkaktojë sëmundje të lehta, agjencia e Kombeve të Bashkuara tha se raste të tjera sporadike njerëzore mund të ndodhin pasi ky virus është një nga viruset më të përhapur të gripit të shpendëve që qarkullon në shpendë në rajone të ndryshme.

Një përgjigje e menjëhershme nga ministria indiane e shëndetësisë nuk është ende e disponueshme.

EMISIONET